Այսօր շատերն են անդրադառնում Հայաստանի քաղաքացիական հասարակությանը, գործում հանուն ոլորտի բարելավման, նախագծում տարբեր ծրագրեր` ուղղված քաղաքացիական հասարակության հետագա բնականոն առաջընթացին, բայց ոչ բոլորը գիտեն այն մարդակնց անունները, ովքեր կանգնած են ոլորտի հիմնադրման ակունքներում և ում եռանդուն գործունեության շնորհիվ սկզիբ դրվեց Հայաստանի Նորանկախ Հանրապետության քաղաքացիական հասարակությանը: Այս առաջամարտիկների շարքում է ՄԱԿ-ի Հայկական ասոցիացիայի հիմնադիր նախագահ Կարեն Ասատրյանը:

90-ականներից Կարեն Ասատրյանը դարձավ Հայաստանում հասարակական ոլորտի ամենավառ առաջնորդներից մեկը: Նրա եռանդուն ու նվիրյալ աշխատանքը հետապնդում էր մեկ նպատակ` նպաստել այն հասարակության ստեղծմանը, որի կենտրոնում գիտակից քաղաքացին է` իր իրավունքներով և պարտականություններով:

“Մենք ենք կերտում մեր պատմությունը” կարգախոսի ներքո Կարեն Ասատրյանն իր գործընկերների և հետևորդների հետ դարձավ այն կարևոր փոփոխությունը, որն ի հեճուկս մի շարք դժվարությունների, շունչ տվեց  քաղաքացիական հասարակությանը մեր հանրապետությունում:

Նրա խիզախ բնավորությունը, անկոտրում կամքն ու ամուր հավատքն այսօր ոլորտի շատ երիտասարդների համար օրինակ է և ծառայում է որպես ոգեշնչման աղբյուր նոր սերունդների համար:
           
Կարեն Ասատրյանը ստանձնեց մեծ ու խրթին պատասխանատվություն, այն է` իր գիտելիքներով և տարիների ընթացքում կուտակված փորձով նպաստել քաղաքացիական մշակույթի ձևավորմանը` մարդու բարձրագույն արժեքները տարածելով հասարակական աշխատանքի խողովակներով: Իր մասնագիտական ուղու սկզբից մինչև վերջ Կարեն Ասատրյանի նախաձեռնելիությունն ու վստահությունը Հայաստանում քաղաքացիական հասարակության լուսավոր ապագայի հանդեպ դրսևորվեցին մի շարք նախագծերում` հասարակության ամենատարբեր շերտերին առաջնորդելով դեպի ժողովրդավարական արժեքներ, ավելին